Նախարարը ներկայացրել է բուժաշխատողների լիցենզավորման անհրաժեշտությունը, ընթացակարգը, թեմայի վերաբերյալ առավել հաճախ հնչող հարցերի ու մտահոգությունների պատասխանները:

 

Հանդիպմանը միացած բուժաշխատողները հնարավորություն են ունեցել նախարարին հարցեր ուղղել, տեղում ստանալ պատասխաններ:

Խոսելով անհատական լիցենզավորման էության մասին` Անահիտ Ավանեսյանը նշել է, որ այն բուժաշխատողի մասնագիտական գործունեություն ծավալելու իրավունքը հաստատող պաշտոնական թույլտվություն է․ այն չի փոխարինելու հավաստագրին և բուժաշխատողը պետք է ունենա թե՛ հավաստագիր, թե՛ անհատական լիցենզիա:

 

Ավագ բուժաշխատողները լիցենզավորվելու են 5 տարի ժամկետով, և լիցենզավորման նպատակով կենտրոնական քննությանը մասնակցելու 3 հնարավորություն են ունենալու: Հարցաշարը կազմված է լինելու բուժաշխատողների մասնագիտական էթիկայի, առաջին բուժօգնության և մասնագիտական հարցերից։

 

Բուժաշխատողների անհատական լիցենզավորման վերաբերյալ առցանց և առկա հանդիպումները, ըստ անհրաժեշտության, շարունակական կլինեն, իսկ մինչև այդ բուժաշխատողները թեմայի վերաբեյալ իրենց հարցերը կարող են ուղղել license@nih.am էլեկտրոնային հասցեով կամ զանգահարել` 8501 (5) հեռախոսահամարով:

 

 Հանդիպումների տեսագրությունները`https://youtu.be/thm2IGYcumk, https://youtu.be/1ECNgk4S02s