2019 թվականից գործող սուր իշեմիկ կաթվածի բուժման ծրագրի շրջանակում իրականացվում է թրոմբոլիտիկ բուժում և մեխանիկական թրոմբէկտոմիա:

 

 Ծրագիրը գործում է Երևանի 4` «Սուրբ Գրիգոր Լուսավորիչ», «Էրեբունի», «Աստղիկ» բժշկական կենտրոններում, Հերացի համալսարանական հիվանդանոցում, և մարզային 4` Գյումրու, Վանաձորի, Մարտունու բժշկական կենտրոններում և «Հայ–ֆրանսիական հիվանդանոցային կենտրոն» հիմնադրամում, ընդ որում` Մարտունու բժշկական կենտրոնն ու Հայ–ֆրանսիական հիվանդանոցային կենտրոնը միացել են ծրագրին 2026 թվականից:

 

 Բնակչության առողջության պահպանման և բարելավման ծրագրերի, առողջության համընդհանուր ապահովագրության շրջանակներում նորագույն և թանկարժեք տեխնոլոգիաներով մատուցվող սուր կամ ենթասուր իշեմիկ կաթվածների բուժման իրավունքից կարող են օգտվել ծրագրով սահմանված չափանիշներին համապատասխանության դեպքում:

 

 Ազդելով կառավարելի ռիսկի գործոնների վրա՝ գլխուղեղի իշեմիկ կաթվածների շուրջ 90%-ը հնարավոր է կանխել ։

 

 Ոչ վարակիչ հիվանդությունների կանխարգելման, վաղ հայտնաբերման, արդյունավետ և ժամանակին բուժման նպատակով առողջապահության նախարարության կողմից իրականացվում են սքրինինգային ծրագրեր`

 

• Զարկերակային գերճնշման վաղ հայտնաբերում և ախտորոշում. 18+ տարեկան անձանց համար (2 տարին 1 անգամ):

• Շաքարային դիաբետի ախտորոշում. 35+ տարեկան անձանց համար (3 տարին 1 անգամ):

 

 Սրտանոթային համակարգի և հիպերտոնիկ հիվանդությամբ անձանց շրջանում բարդությունների կանխարգելման նպատակով ԱԱՊ ծառայություններ մատուցող բժշկական հաստատություններում անվճար, հաշվառված դիսպանսերային պացիենտներին տարեկան մեկ անգամ իրականացվում է՝

 

• էլեկտրասրտագրություն

• արյան մեջ խոլեսթերինի պարունակության որոշում

• լիպիդային պրոֆիլի որոշում

• արյան մեջ միզաթթվի որոշում

• ակնահատակի քննություն

• արյան մեջ կրեատինինի որոշում:

 

Ժամանակին անցնելով կանխարգելիչ հետազոտություններն ու վարելով առողջ ապրելակերպ` հնարավոր է նավազեցնել գլխուղեղի իշեմիկ կաթվածի զարգացման ռիսկը:

 

 Հոկտեմբերի 29-ը Կաթվածի համաշխարհային օրն է։